Vettingu ka shkaktuar viktimën e parë zyrtare në drejtësinë shqiptare.
Ai është Fatos Lulo, anëtari i Gjykatës Kushtetuese, i cili është shkarkuar nga posti i tij dhe i është ndaluar pjesëmarrja në sistemin e drejtësisë.
Vendimi për shkarkimin e Lulos është marrë nga Komisioni i Pavarur i Kualifikimit, i cili ka shpallur se ai nuk ka justifikuar dot pasurinë e tij.
Konkretisht nuk ka dhënë argumente bindëse për një banesë me vlerë 480 mijë dollarë që ka blerë në Kanada.
Dy ditë më parë, nëpërmjet avokatit të tij, Lulo ka dhënë përgjigje për paratë dhe pronat që zotëron, por kjo nuk ka bindur as ndërkombëtarët e as anëtarët e komisionit të vettingut.
Tashmë, i njëjti model do të zbatohet edhe për gjyqtarë dhe prokurorë të tjerë. Ligji parashikon që gjyqtarët dhe prokurorët që nuk justifikojnë dot pasuritë, përjashtohen nga sistemi. /tesheshi.com/
