Para se të niste votimi për ndryshimet në qeveri pas një marrëveshje politike mes dy partive të mëdha në vend u hodh për dfiskutim në seancën e jashtëzakonshme çështja e votimit të komisioneve të Vetingut në drejtësi.
Koha kur duhej të bëhej ky votim në nisje apo në fund të seancës ka sjellë batuta mes palëve dhe për frikën e mosbesimit mes palëve pavarësisht paktit politik. Ndërsa Meta tregoi dhe një herë se vetëm tek Berisha ka besim në sallën e Kuvendit, njeriu të cilin takoi kur Edi Rama e Lulzim Basha po firmosin ‘bashkëqeverisjen’.
Ja batutat e zbardhura nga media:
Meta: Mendoj që nuk ka ndonjë arsye që as ta bëjmë pikë të parë dhe as pikë të fundit.
Bylykbashi: Kjo është një çështje e dakordësuar që kjo të jetë çështja e fundit për t’u votuar nga seanca. Mbasi të jenë ezauruar të gjitha çështjet e tjera, çështja e fundit që të votohet.
Meta: Me kë është dakordësuar?
Bylykbashi: Nuk besoj se ka ndonjë problem në aspektin procedural që ajo të jetë e fundit.
Ruçi: Unë e kuptoj që kjo ka qenë pjesë e negociatave politike ku nuk kemi qenë as unë as zoti Bylykbashi. Mendoj se vetë ngritja e problemit është një frymë mosbesimi. Në qoftë se do bëni këtë do të bëjmë këtë. Fryma e besimit është nga e para tek e fundit. Që pa e filluar shprehim mosbesim tek rendi i ditës.
Meta: Zoti Berisha dha dakordësinë e tij. Të vazhdojnë tani. Unë me atë e kam. Këta të tjerët e kanë me njëri-tjetrin. Kur të iki unë bëni çfarë të doni ju të tjerët.
Paloka: Çështja është e thjeshtë. Ka qenë çështje e marrëveshjes. Qëllimi nuk është as ai që ka frikë Gramozi, mosbesimi apo jo. Qëllimi është thjeshtë që Vettingu i famshëm të jetë akti i fundit i mbylljes së Parlamentit.
Meta: Vettingu nuk është as i pari dhe as i fundit, është në qendër të rendit të ditës./tesheshi.com/
