Ka reaguar Partia Demokratike pas vendimit të Gjykatës Kushtetuese që rrëzoi kërkesën e saj për vettingun duke e konsideruar si ligj anti-kushtetues. Por kjo nuk ka penguar partinë më të madhe opozitare që ta kontestojë atë politikisht.
“Partia Demokratike mbetet njësoj e shqetësuar se ligji aktual do ta vendosë vettingun e gjyqtarëve dhe prokurorëve nën kontrollin e kryeministrit. Kontrolli qeveritar i Vettingut është njësoj i rrezikshëm pavarësisht se kush është kryeministër. Por, në kushtet aktuale, kur kryeministër është Edi Rama, i cili është i lidhur me krimin dhe është zhytur në korrupsion, kontrolli kryeministror i Vettingut do ta thellojë korrupsionin dhe kapjen e drejtësisë nga politika”, thuhet në deklaratën e PD-së.
Ndërsa qeveria ka akuzuar opozitën se pretendimin e saj që vettingu është anti-kushtuetues, gjë që e detyroi ta çojë deri në Kushtetuese, kërkon që të mbajë të paprekur kastën e gjyqtarëve dhe prokurorëve të korruptuar. /tesheshi.com/
