Opozita është ende e paqartë për ligjin e Vetting-ut. Ndonëse përshëndeti pëgjigjen zyrtare të Venecias, lidhur me 4 pyetjet e drejtuara nga Gjykata Kushtetuese, PD thotë se komisioni nuk e merr përsipër kushtetutshmërinë e ligjit, ndaj kërkon sërish të vijohet me shqyrtimin e Vetingut.
“Ne nxisim Gjykatën Kushtetuese që të përfundojë në një kohë të shkurtër shqyrtimin e kushtetutshmërisë së ligjit të vettingut, sipas të gjithë cështjeve të ngritura në kërkesën e Partisë Demokratike. Komisioni i Venecias shprehet qartë në paragrafin 15, se nuk merr përsipër të analizojë përputhshmërinë ligjit me Kushtetuten dhe legjislacionin e brendshëm. Kjo detyrë i takon vetëm Gjykatës Kushtetutese, e cila duhet të garantojë që ligji i vettingut të jetë në përputhje me Kushtetutën”, thuhet në njoftimin e PD-së.
Opozita sqaron se opinionii i Komisionit të Venecias, sanksionon se vettingu i gjyqtarëve dhe prokurorëve duhet të bëhet jo nga Kryeministri, por nga organet kushtetuese të rivlerësimit.
Menjëherë ka reaguar edhe kryeministri Edi Rama në facebook, duke shkruar: “PD pretendon përsëri se ka një përkthim ekskluziv të sajin për Venecian. Në fakt, Venecia ka konfirmuar pa rezervë Ligjin e Vetingut. Pikë!”.
Komisioni i venecias është përgjigjur zyrtarisht paraditen e së hënës dhe nëqëndrimin e sa ka shprehur vlerësim pozitiv për ligjin e Vettingut, pjesë e paketës së Reformës në Drejtësi./tesheshi.com/
