Gjyqtari i Apelit në Durrës, Besim Trezhnjeva, është koka e dytë e “këputur” nga vettingu, pas Fatos Lulos së Kushtetueses.
Komisioni i Pavarur i Kualifikimit e shkarkoi atë nga detyra duke iu referuar vetëm kriterit të pasurisë që sipas këtij komisioni nuk justifikohet. Pra dy kriteret e tjera, ai moral e profesional nuk u morrën në shqyrtim në trajtimin e figurës së Trezhnjevën.
“Trupa e konsideron të përfunduar seancën dëgjimore për subjektin e rivlersimit, z. Besim Trezhnjeva. Në përfundim të procesit të rivlerësimit trupa gjykuese e përbërë nga Alma Faskaj, kryesuese, Firdes Shuli relatore, Roland Ilia, anëtar vendosi të shkarkojë nga detyra subjektin e rivlerësimit, zotin Besim Trezhnjeva, gjyqtar i Gjykatës së Apelit Durrës”, deklaroi kryesuesja e trupës gjykuese, Alma Faskaj.
Avokati i gjykatësit të shkarkuar Trezhnjeva, Fatmir Braka, tha se do e apelonte vendimin duke e quajtur atë ta pavend. Sipas tij nuk është bërë një hetim i thelluar i pasurisë. /tesheshi.com/
