Pas shmangies së 17 magjistratëve nga procesi i vettingut dhe djegies së një gjyqtari, më në fund vjen edhe rezultati i parë pozitiv në vend.
Ka marrë frymë lehtësisht Vitore Tusha e cila ka kaluar përfundimisht nga sita e vettingut.
Gjyqtarja e Gjykatës Kushtetuese u përball me procesin e rivlerësimit kalimtar, i njohur ndryshe si procesi i vettingut.
Pasuria, por edhe integriteti profesional kanë dalë në rregull për gjyqtaren e cila është emëruar në Kushtetuese që në kohën e Presidentit Bamir Topi.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale.
Vitore Tusha është gjyqtarja e tretë e Kushtetueses që i nënshtrohet vetingut pas Besnik Imerajt dhe Fatos Lulos.
Imeraj dha dorëheqjen nga sistemi gjyqësor dhe u referua nga Komisioni i Pavaruar i Kualifikimit në Prokurori, ndërsa Fatos Lulo u shkarkua nga detyra pasi dispononte pasuri të pajustifikuar. /tesheshi.com/
