Një vendim nga Strasburgu ka goditur rëndë procesin e vettingut.
Gjyqtari Besnik Cani, i shkarkuar nga Kolegji i Posaçëm i Apelimit, ka fituar gjyqin në gjykatën e Strasburgi. Ai u shkarkua në 27 shkurt 2020 nga KPA.
Kolegji i Posaçëm i Apelimit e shkarkoi nga detyra prokurorin Besnik Cani pas ankimimit që bëri Operacioni Ndërkombëtar i Monitorimit (ONM).
Fillimisht, Cani kaloi vettingun pavarësisht disa problemeve që shfaqi me pasurinë. Më pas, ai u zgjodh anëtar i Këshillit të Lartë të Prokurorisë.
Gjithashtu, edhe Komisioneri Publik ankimoi vendimin e Komisionit të Pavarur të Kualifikimit, që pavarësisht problemeve me justifikimin e pasurisë dhe anën profesionale dhe etike, e konfirmoi në detyrë prokurorin Cani.
Pjesë e vendimit për shkarkimin e tij ka qenë dhe Luan Daci, i cili u dënua me vendim të formës së prerë me shërbim provë për falsifikim dokumentesh.
Tashmë hapet mundësia që të gjitha vendimet ku ka qenë pjesë ish-anëtari i KPA Luan Daci, të ankimohen në Strasburg.
Nëse Strasburgu ndiqet dhe nga të tjerë si Cani, vettingu, zemra e Reformës në Drejtësi, një investim amerikan, mund të cenohet rëndë në besueshmëri.
Ky proces ka patur dritëhijet e veta që kur ka nisur, pasi ka shkarkuar dhe emra me integritet të provuar, duke iu gjetur kleçka në pasuri. /tesheshi.com/
