Ashtu siç pritej, kanë reaguar dy përfaqsitë kryesore diplomatike në Shqipëri pas vendimit të Gjykatës Kushtetuese që i dha visto vettingut.
“I bëjmë thirrje të gjitha partive politike të respektojnë vendimin e Gjykatës. Gjithashtu, nxisim udhëheqësit shqiptarë të punojnë me shpejtësi për të zbatuar të gjitha reformat historike të sistemit të drejtësisë në Shqipëri”, thuhet në reagimin e ambasadës amerikane. Më tej, nga përfaqsia e Uashingtonit në Tiranë thuhet se një reformë kuptimplotë që i largon gjykatësit dhe prokurorët e korruptuar nga sistemi gjyqësor gëzon mbështetjen e publikut të gjerë dhe është një prioritet kryesor i Shteteve të Bashkuara në Shqipëri.
Ndërsa nga Zyra e BE-së kërkohet që tashmë të niset menjëherë nga puna.
“BE-ja i inkurajon autoritetet shqiptare të nisin me shpejtësi zbatimin e vlerësimit të gjyqtarëve dhe prokurorëve. Kjo është thelbësore për përparimin e procesit të anëtarësimit të Shqipërisë në BE dhe është pritur gjatë nga qytetarët shqiptarë. Komisioni Evropian,do ta mbështesë Shqipërinë për kryerjen e një procesi vetingu tërësor dhe të besueshëm, duke udhëhequr Operacionin Ndërkombëtar të Monitorimit”, thuhet në deklaratën e përfaqsisë së Brukselit në Tiranë. /tesheshi.com/
