130 punonjës në burgjet shqiptare, kanë rezultuar me njollë penale në biografi, pas një inspektimi të kryer nga Ministria e Drejtësisë dhe Drejtoria e Përgjithshme e Burgjeve.
“Verifikimi është bazuar në Nenin 17 pika 1/d i Ligjit nr. 10032 ‘Për Policinë e Burgjeve’, ku thuhet se një nga kriteret e përgjithshme për t’u pranuar në Policinë e Burgjeve është që personi të ‘mos jetë dënuar penalisht me vendim gjykate të formës së prerë’’, saktësohet në njoftimin e dikasterit të drejtuar nga Etilda Gjoni.
“Bazuar në verifikimin e kryer nga strukturat e Ministrisë së Drejtësisë dhe Drejtorisë së Përgjithshme të Burgjeve deri tani rezulton që rreth 130 persona janë me dënime penale”, deklarohet nga Drejtësia.
Dhe ky është rezultati paraprak i një vettingu të premtuar si proces, edhe në radhët e Policisë së Shtetit. /tesheshi.com/
