Sebastian Vettel me Ferrari fitoi garën e Hungarisë në Formula 1.
Gjermani që u nis i pari në garë, ka kontrolluar gjithcka, pavarësisht se në 25 xhirot e fundit, iu desh të balanconte makinën, kur timoni i “priste” pak djathtas. I dyti në klasifikim u rendit piloti tjetër i Kokëkuqes, Kimi Raikonen, ndërsa i treti, Valteri Bottas i Mercedes.
Kampioni i botës në fuqi, Luis Hamilton, u përpoq vetëm pas mesit të garës t’i afrohej dyshes së kuqe, madje për këtë, skuadra detyroi pilotin tjetër të Mercedes, Bottas, që të hapte rrugën.
E pasi u përpoq të “tërhiqte” maksimalisht, Hamilton nuk arriti tu afrohej makinave Ferrari, edhe për shkak të një kontrolli “të ftohtë” që i bëri garës, Raikonen, Hamilton në xhiron e fundit, “i hap krahun” Bottas, si për t’i rikthyer respektin.
Diçka e tillë u konsiderua si “fair play” nga skuadra, por mediat e kritikuan anglezin, pasi sipas tyre, Formula 1 është garë dhe jo lojë.
Pas përfundimit të garës së Hungarisë, Vettel u shkëput në 14 pikë nga Hamilton, në konkurimin për pilotin kampion, ndërsa Ferrari u afrua ndjeshëm me Mercedes, në garën e konstruktorëve.
Formula 1 do të “pushojë” disa javë, për t’u rikthyer në javën e fundit të muajit gusht. /tesheshi.com/
