Pasi bllokada e qeverisë amerikane ka trokitur në dy-javëshin e saj, presideti Trump ka shfaqur trishtimin e tij për ngujimin e tij në Shtëpinë e Bardhë që nga fillimi i krizës – komentojnë mediat amerikane.
Ndërsa kolegët e tij udhëtuan për Krishtlindje dhe Vitin e Ri, e familja e tij shkoi në banesën e tyre në Florida, udhëheqësi amerikan ka qenë krejtësisht i vetëm në të gjithë atë hapësirë të selisë së presidencës amerikane, në pritjë për një trokitje në derë dhe ofrimin e një zgjidhjeje për bllokadën e qeverisë.
Kompania që sipas tij i garantoi sigurinë me njerëzit e saj, nuk ishte shumë shoqërore.
Kërkesa Trump për të ndërtuar një mur me Meksikën, për të cilën ai kërkon pesë miliardë dollarë, e që Kongresi ende nuk dëshiron t’ja miratojë, ka çuar si rezultat në një bllokadë financiare dhe në paralizë të punës së disa agjencive federale.
Lideri amerikan kishte planifikuar për të kaluar pushimet me familjen e tij, por bllokim i ndodhur më 22 dhjetor ia ka prishur të gjitha planet.
Në pritje të një zgjidhjeje që nuk ndodhi, ai mbeti plotësisht i vetëm gjatë Krishtlindjeve në Shtëpinë e Bardhë.
Kjo vetmi ka qenë padyshim e sikletshmë për shkak se që në takimin e parë të kabinetit, ai thuhet se ka “qarë” para bashkëpunëtorëve të tij, duke iu thënë se përjetoi një nga Krishtlindjet më të këqija në jetën e tij.
“Ju e dini, unë kam qenë në Shtëpinë e Bardhë i vetëm për ditë me radhë. Familja ime shkoi në Florida dhe unë u ndjeva shumë e vetmuar”, është ankuar Trump para bashkëpunëtorëve të tij duke u thënë atyre se gjatë gjithë kohës nuk e ka hequr telekomandën nga duart, duke zgjedhur ta vrasë kohën duke shikuar televizior.
“Ndjeva se duhej të qëndroja këtu vetëm në rast se disa njerëz nuk do të kishin ardhur rastësisht dhe do të vendosnin të negociojnë mbrojtjen e kufijve tanë”, ka thënë ai.
“Unë kam qenë i vetëm në Shtëpinë e Bardhë, dhe,ju e dini, kjo është një shtëpi shumë e madhe. Nuk ishte askush përveç snajperistëve. Deri në momentin e fundit, shpresoja që dikush të vinte dhe të ofronte disa negociata, por kjo nuk ndodhi”, tha Trump.
Ndërkohë, qeveria amerikane vijon të mbetet e bllokuar, me demokratët që nuk pranojnë të lëshojnë pe për 5 miliard dollarët e kërkuar nga Trump për murin në kufirin me Meksikën. /tesheshi.com/
