Parlamenti Shqiptar do të mblidhet sot për të miratuar anëtarët e Kolegjit të Apelimit, i cili njihet ndryshe si gjykata e shkallës së dytë e vetingut, që do të vendosë për fatin e prokurorëve dhe gjyqtarëve.
Votimi i sotëm pritet t’i hapë zyrtarisht rrugë zbatimit të vetingut, pra skanimit të trefishtë të gjyqtarëve dhe prokurorëve për ligjshmërinë e pasurive, lidhjet me krimin dhe aftësitë profesionale.
Votimi i sotëm i hap rrugë edhe ngritjes së institucioneve të reja anti-korrupsion: Byrosë Kombëtare të Hetimit, Prokurorisë së Posaçme dhe Gjykatës Speciale.
Ngritja e organeve të vetingut vendos automatikisht nën hetim të trefishtë njerëzit e drejtësisë aktuale. Me zbatimin e vetingut, 800 gjyqtarë dhe prokurorë de fakto janë të shkarkuar, ndërsa për t’u bërë pjesë e drejtësisë së re duhet të kalojnë kontrollin për pasuritë, lidhjet me krimin dhe aftësitë profesionale. Testi më i rëndësishëm, i cili pritet të përjashtojë nga sistemi shumë gjyqtarë dhe prokurorë, është verifikimi i ligjshmërisë së pasurive të deklaruara si dhe identifikimi i pasurive të fshehura.
Parlamenti duhet të miratoë emrat e Ina Ramës, Albana Shtyllës, Sokol Çomos, Ardjan Hajdarit, Natasha Mulajt dhe Luan Dacit që u votuan me consensus nga PD-PS-LSI në komisionet parlamentare të vettingut.
Kolegji i Apelimit, i cili njihet ndryshe si gjykata e shkallës së dytë e vettingut, do të vendosë për fatin e prokurorëve dhe gjyqtarëve.
Gjatë procesit të rivlerësimit, sidomos verifikimit të ligjshmërisë së pasurisë, një rol të rëndësishëm do të kenë ekspertët e Shteteve të Bashkuara të Amerikës dhe Bashkimit Evropian, pjesë e Operacionit Ndërkombëtar të Monitorimit.
Në të dhënat mbi pasuritë e paluajtshme të subjektit të rivlerësimit. /tesheshi.com/
