Gjykata Kushtetuese ka shtyrë për të hënën shqyrtimin e ankimimit të Unionit të gjyqtarëve, të cilët kundërshtojnë disa nene në ligjin për vetingun.
Shkak i shtyrjes së seancës u bë avokati i përgjedhur nga Unioni, i cili nuk kishte vitet e nevojshme të punës për të pasurtë drejtën të përfaqësonte palët në Kushtetuese.
Sipas ligjit, një avokat që të përfaqësojë palët në këtë shkallë të gjykimit duhet të ketë minimalisht 10 vjet eksperiencë pune, ndërsa i përzgjedhuri nga Unioni kishte vetëm 9 vite.
Në këto kushte, Kushtetuesja vendosi të shtyjë seancën edhe për disa ditë, për ti dhënë mundësi palëve që të përfaqësohen vetë ose përmes një avokati. /tesheshi.com/
