Komisoni i Posaçëm i Kualifikimit mbajti sot dy seanca dëgjimore për dy gjyqtarë që i janë nënshtruar procesit të Vetingut.
KPK kreu një hetim të thelluar për gjyqtarin e Gjykatës së Tiranës, Astrit Faqolli dhe konstatoi se, subjekti ka qenë bashkëpunues gjatë kësaj kohe. Nga hetimi pasuror ka konstatuar mospërputhje sa i takon një prone të paluajtshme. Bëhet fjalë për një truall me sipërfaqe 32 metra katororë, blerë për 150 mijë lekë në Librazhd, ku është ndërtuar një bodrum dhe një shtëpi subjekti ka deklaruar të ardhurat familjare dhe një hua, e marrë nga shtetasi Rr.L, e shlyer në vitin 2016.
KPK konstatoi mospërputhje mes deklaratës në Veting dhe asaj të vitit 2006 lidhur me një apartament banimi me sipërfaqe 83 metra katrorë në Tiranë, porositur për 42 mijë euro dhe blerë në 2015.
Në lidhje me pastërtine e figurës, DSIK ka paraqitur një raport i cili konstaton papërshtatshmërinë për vazhdimin e detyrës
Po ashtu, u mbajt sot edhe seanca dëgjimore për anëtarin e Gjykatës së Lartë, Ardian Dvorani.
Sa i përket elementit të pasurisë, sipas KPK, ai rezulton me një apartament banimi 120 m2, i blerë në 2001 me vlerë 31 mijë dollarë, në bashkëpronësi me bashkëshorten.
Gjyqtari ka të ardhura për blerjen e kësaj pasurie. Gjithashtu, një apartament 104.3 m2 i privatizuar në 1993, i deklaruar nga babai i gjyqtarit u cilësua i justifikuar. Dvorani ka deklaruar edhe një autoveturë Scoda 2016 i blerë me “leasing”, një hua 1 milionë e 350 mijë lekë nga prindërit.
Sipas KPK, huaja ështe deklaruar me burim nga shpërblimi i dhënë nga Gjykata e Tiranës.
Likuiditetet e familjes me vlere 9. 9 milionë lekë, Dvorani i ka deklaruar në deklarimet periodike, por nuk i ka deklaruar në Veting.
KPK thotë se, ILDKPKI përpara se të hartonte raportin duhet ta thërriste subjektin dhe ta pyeste për sa kohë gjyqtari i lartë ka thënë që është një harresë për shkak të punës, sepse siç rezulton, ai i ka deklaruar në vite këto likuiditete.
Sa i përket komponentit të dytë të Vetingut, DSIK thotë që Ardian Dvorani ka përshtatshmëri në detyrë dhe se nuk ka asnjë dyshim për përfshirje në korrupsion. /tesheshi.com/
