Një nga pacientet e infektuara të Shqipërisë, një vajzë e re, vendosi të vetëbëhet publike, duke iu drejtuar pikërisht publikut me zë e figurë mbi përvojën e saj të trishtë, e infektuar me koronavirus. Fjala është për pacientin me nr.69.
Videon e postoi kryeministri Rama, duke shkruar:
“Ti zemër do ia dalësh padiskutim dhe unë jam me ty, të gjithëve ne jemi me ty, deri kur të shërohesh plotësisht! Por ti meriton edhe një falenderim të me gjithë zemër, për fjalët e thjeshta, të vërteta, të ndjera, që ke ndarë me të gjithë ne, sot kur të gjithë kanë nevojë të dëgjojnë dhe disa prej nesh, kanë akoma nevojë të kuptojnë që jemi në një luftë botërore për jetën, jo në një lojë kukamçefthi, ku kemi të drejtën të mërzitemi e të ankohemi pse po e kufizojmë skajshmërisht lirinë tonë!
Ti nuk ke nevojë për kurajo, sepse dalja jote publikisht tregon se kurajon e ke të jashtëzakonshme, kështu që unë nuk mund të të jap kurajë ty, po dua të të falenderoj për kurajën që ti më dhe mua me fuqinë magnetike të brishtësisë tënde. Përqafime nga larg dhe me patjetër do të takohemi kur të mbarojë lufta”. /tesheshi.com/
https://www.facebook.com/edirama.al/videos/521876838523676/?t=17
