OSHEE rrëzon pretendimin e kreut demokrat Basha, lidhur me arsyet e vetëvrasjes së një 31-vjeçarit Klajdi Muça.
Me anë të një statusi në fb, Basha tha se i riu nga Kamza ishte vetëflijuar për shkak të pamundësisë për të paguar energjinë e ndërprerjes së saj.
Por nuk ndan të njëjtin mendim OSHEE. Nga ky institucion thuhet Muça ishte një ndër 450 mijë abonentët që kishte lidhur aktmarrëveshje për pagesën e detyrimeve të prapambetura me këste, e ndodhur kjo që me 22 dhjetor të vitit të kaluar.
“Abonentit nuk i është prerë energjia elektrike dhe në asnjë rast nuk ka qenë nën presionin e OSHEE-së. Muça është pritur nga specialistët teknik përkatës, dhe në asnjë rast nuk ka patur debate”, thuhet në sqaqrimin e Operatorit të Shpërndarjes së Energjisë.
Sa për shkaqet e vërteta të vetëvrasjes, OSHE thotë se ato do të dalin nga hetimet. /tesheshi.com/
