Krerë të Vetëvendosje-s do zbresin të shtunën në Tiranë, jo për të protestuar, por për të debatuar lidhur me krizën kosovare, ardhur nga marrëveshjet e Brukselit për Asocacionin dhe Demarkacionin.
Nga kjo lëvizje është njoftuar se dyshja Visar Ymeri & Albin Kurti, do organizojnë një tubim me qytetarë në ambientet e Muzeut Historik Kombëtar.
Siç thuhet në njoftimin zyrtar, “në këtë tubim do të diskutohet lidhur me situatën politike në Kosovë, problemet e aktualitetit dhe nismat në të ardhmen e afërt”.
Vetëvendosje ka punuar fort këto muaj për të marrë mbështetje nga diaspora lidhur me kundërshtinë e fuqishme të saj ndaj marrëveshjeve të fundgushtit në Bruksel, por kjo është hera e parë që zbret në Tiranë, për të marrë dhe aty një mbështetje. /tesheshi.com/
/tesheshi.com/
