Lëvizja Vetëvendosje përveç daljes si partia e parë në zgjedhjet parlamentare të 11 qershorit duke mos përfshirë koalicionit, ka dhe një arsye tjetër të gëzohet.
Subjekti që drejtohet aktualisht nga Visar Ymeri është bindshëm më i pëlqyeri edhe nga mërgimtarët, duke i shkaktuar debakël partive tjera.
Sipas rezultateve zyrtare të KQZ-së të publikuara sot del se VV ka fituar 71 % të votave të qytetarëve që jetojnë jashtë vendit apo kthyer në vota gjithësejt 2730.
E dyta renditet koalicioni LDK – AKR – Alternativa (LAA), që ka marrë 601 vota, respektivisht 16 %, kurse mërgimtarët më së paku e kanë votuar koalicionin PDK – AAK dhe Nisma (PAN), duke i dhënë vetëm 510 vota, apo 13 % të votave.
Kujtojmë se VV ësht subjekti më i konsoliduar në diasporë, ku krerët e saj realizojnë vizita të shpeshta në shtete të ndryshme dhe mbajnë debate me bashkatdhetarët. Sigurisht kjo ka bërë që ata ta përkrahin fuqishëm partinë e Ymerit, por sigurisht edhe zhgënjimi që mund ta kenë me partitë që kanë qeverisur atdheun e tyre nga paslufta. /tesheshi.com/
