E pamenduar deri para pak çastesh. Vetëvendosje ka rikthyer gazin lotsjellës në Kuvendin e Kosovës duke pamundësuar ratifikimin e Demarkacionit me Malin e Zi. Kjo ka ndodhur në momentin që kryekuvendari Kadri Veseli ka ftuar deputetët të votojnë.
Pasi që sallën e seancave plenare e mbuloi tymi, Veseli dha 10 minuta pushim.
Gazi është hedhur nga vetëvendosësit, Fitore Pacolli dhe Xhelal Sfeqla.
Deputetët janë larguar pothuajse të gjithë nga salla.
Mbetet të shihet nëse seanca do të vazhdojë në sallën kryesore të seancave plenare apo do të mbahet në ndonjë sallë të improvizuar. /tesheshi.com/
