Lëvizja ‘Vetëvendosje’ përmes një postimi në Facebook ka reaguar rreth arrestimit të deputetit të saj, Fisnik Ismaili, të cilit sot iu vunë prangat në Kuvendin e Kosovës, duke kërkuar lirimin e menjëhershëm të tij dhe të gjithë aktivistëve të tjerë.
“Kërkojmë lirimin e menjëhershëm të deputetit Fisnik Ismaili dhe të gjithë aktivistëve dhe deputetëve të tjerë. Projektet si “Zajednica” dhe demarkacioni me Malin e Zi, që mund të kalojnë vetëm përmes burgosjes së opozitës, janë projekte jolegjitime dhe të parealizueshme”, thuhet në reagimin e VV-së.
Ismaili është deputeti i tretë i opozitës, i cili është arrestuar nga PK-ja, pas Donika Kadaj-Bujupit dhe Albin Kurtit./tesheshi.com/
