Lëvizja Vetëvendosje përmes një komunikate për media ka reaguar ndaj sjelljeve siç i quan brutale të policisë së Kosovës ndaj aktivistëve të saj.
Në reagimin e saj thuhet se rreth orës 14:00, ndërsa aktivistët e lëvizjes Vetëvendosje po shpërndanin fletushka pranë ndërtesës së Qeverisë së Kosovës (ish-Rilindja), polciia intervenoi brutalisht ndërhyri duke arrestuar dhe përdorur dhunë me shkopinj gome e spray lotsjellës ndaj aktivistëve paqësorë.
Po ashtu, në këtë reagim thuhet se qeveria e Isa Mustafës ka filluar të frikësohet edhe nga fletushkat. “Njësoj siç frikësohet çdo pushtet shtypës nga e vërteta që e demaskon.
Agron Kabashi, Shkëlqim Morina, Alban Makolli, Veron Hasani, janë vetëm disa prej aktivistëve të arrestuar, ndërkohë që shumica e aktivistëve janë rrahur nga policia”, thotë Vetëvendosje.
Çmimi që Kosova po e paguan për “Zajednicën”, sipas saj, është i papranueshëm për qytetarët. “Në njërën anë Kosova po ndahet etnikisht, e në anën tjetër qytetarëve po u kthehen masa të dhunshme. Zajednica nuk do të kalojë”, përfundon reagimi i Vetëvendosjes./tesheshi.com/
