Lëvizja Vetëvendosje ka reaguar pas caktimit të vazhdimit të seancës konstituive për 24 gusht, duke thënë se PAN me shtyrjen edhe për një javë dëshmon se nuk e ka shumicën dhe e lë të hapur mundësinë që sërish ta braktisin seancën nëse Veseli nuk votohet për kryekuvendar.
“Lëvizja Vetëvendosje konsideron se 24 gushti nuk është zgjidhje, por vetëm zvarritje e mëtutjeshme. Seanca e caktuar është pretekst i koalicionit PAN për ta ripërtëritur krizën, duke shantazhuar Kuvendin me votim të Veselit ose me braktisje të sërishme të seancës”, thuhet në komunikatën e VV-së.
Sipas partisë së Visar Ymerit, insistimi i përfaqësuesve të PAN për datën 24 gusht ndërlidhet me afatin e fundit për dorëzim të listave të kandidatëve për kryetarë dhe anëtarë kuvendesh komunale, e që skadon më 22 gusht./tesheshi.com/
