Kryetari i Vetëvendosje-s, Visar Ymeri, i ka kushtuar një konferencë pothuajse të tërë PDK-së së Kadri Veselit. Ai ka thënë se kjo parti është në panik për shkak të zhvillimeve të fundit pas zgjedhje të përgjithshme dhe prandaj po sulmon njerëz të caktuar të kësaj partie.
“PDK-së jo vetëm që po i rrezikohet pushteti, por bashkë me të edhe përfitime dhe uzurpimet e pronave publike”, ka thënë Ymeri.
Ai ka shtuar se me formimin e qeverisë nga VV, partia e Veselit e di që format e veprimit të saj për t’u pasuruar do të ndërpriten.
“Për shkak të kësaj PDK përmes ShIK-ut nuk zgjedh forma për ta sulmuar Vetëvendosjen, sepse ajo e di se me formimin e qeverisë nga Vetëvendosje, të gjitha këto forma të pasurimit dhe manovrimit do të ndërpriten”, ka thënë Ymeri.
Duke folur për akuzat e fundit të zyrtarëve të PDK-së drejtuar disa personave të Vetëvendosjes, Ymeri ka thënë se PDK po bën fushatë për shkak të zgjedhjeve lokale.
“PDK është angazhuar në një fushatë për të sulmuar njerëz të veçantë, sidomos në komunën e Prishtinës, sepse tash jemi afër zgjedhjeve”, ka thënë Ymeri./tesheshi.com/
