Ditë pas kryeministri në detyrë Albin Kurti prezantoi 100 ditëshin e tij të pazakontë në krye të qeverisë, hera e parë e tij me përgjegjësi ekzekutive në karrierë, partia e tij, Vetëvendosje, shpërndau një video duke i mëshuar fort suksesit të pretenduar të 100 ditëve.
Siç dihet, qeveria “Kurti” është e rrëzuar me mocion mossbesimi, e “pas dere” është Abdullah Hoti, ish-zëvëndësi i tij nga LDK, i cili pret t’i zërë vendin pasi është mandatuar nga presidenti Thaçi, por që një vendim i Gjykatës Kushtetuese e ka lënë të presë.
Nga ana tjetër, Kurti është përbetuar se do vijojë ushtrimin e detyrës deri në zgjedhje të reja.
“Punët e mira të qeverisë janë shumë, dhe nuk i shpjegojmë dot të gjitha shkurt, me një video. Kjo është qeveri e qytetarit dhe e popullit, prandaj ka patur dhe ka shumë mbështetje, përballë sfidave shëndetësore e ekonomike që po shkakton pandemia.
Por më e rëndësishmja është se brenda 100 ditëve kjo qeveri na ka kthyer dinjitetin kombëtar me reciprocitetin, ka kthyer shpresën duke larguar nga pozitat drejtuese të korruptuarit, dhe ka kursyer shumë.
Ajo ka ndihmuar ekonomikisht më shumë se vendet e rajonit shtresat më të dëmtuara nga kriza e pandemisë, e ka përfaqësuar Kosovën dinjitetshëm në OKB, ka ndihmuar më shumë se kurrë Luginën, dhe ka projektuar reforma për të dënuar krimin e sekuestruar pasurinë e paligjshme. 100 ditë janë pak, por sa shumë punë është bërë!”, janë fjalët që përcjellin videon e VV-së për qeverisjen e kryetarit të saj. /tesheshi.com/
https://www.facebook.com/vetevendosje/videos/256331012231885/?t=1
