Ka ardhur edhe dorëheqja e radhës në Lëvizjen Vetëvendosje. Kjo parti e cila ditë më parë mbeti pa kryetar pas dorëheqjes së Visar Ymerit, tashmë i është larguar edhe nënkreytari i parë, Dardan Sejdiu i cili ka dhënë dorëheqje të parevokueshme nga të gjitha pozitat e tij drejtuese në VV.
Sejdiu në një letër drejtuar partisë, bën të ditur se dorëheqje të parevokueshme ka dhënë nga posti i nënkryetarit të parë, Kryesisë dhe Këshillit të Përgjithshëm të Lëvizjes, ndërsa njofton se veprimin e tij politik do ta vazhdojë si deputet dhe anëtar i Vetëvendosjes në përputhje me bindjet e tij.
Ai ka thënë se kurdo që mbahen zgjedhjet e brendshme brenda VV-së nuk do të garojë për asnjë pozitë.
Më poshtë mund ta lexoni letrën e plotë të Sejdiut:
