Aktivistë të Lëvizjes Vetëvendosje sot kanë rrokullisur një kamion me produkte të Serbisë që shiten në Kosovë si kundërpërgjigje për librat që s’janë lejuar të shkojnë në Preshevë për nxënësit shqiptarë në shkollat shqipe.
VV thotë se Qeveria e Kosovës nuk po mundet të vendosë regjim reciprociteti tregtar me Serbinë, duke kontrolluar kufijtë e vet, por as nuk po mundet të kujdeset për fëmijët shqiptarë në Serbi, të cilëve nuk ka mbërritur t’ju sigurojë as librat shkollorë, edhe pse ka negociuar dhe vazhdon të negociojë me qeverinë e Serbisë për vite me radhë.
“Për këto arsye, aktivistët e Lëvizjes Vetëendosje do të vazhdojnë aksionet e tilla deri sa Republika e Serbisë të pranojë reciprocitet me Republikën e Kosovës. Pabarazia dhe nënshtrimi janë të papranueshme. Ata nuk i lejojnë librat tanë, ne nuk do t’i pranojmë prodhimet e tyre”, njofton VV. /tesheshi.com/
