Vetëvendosje është e bindur se Ramush Haradinaj ka ndërruar qëndrim ndaj Asociacionit të komunave me shumicë serbe, pasi thotë se nuk do të votohej nga Lista Serbe.
Albulena Haxhiu deputete e VV-së thotë se përveç kësaj mbetet të shihet se edhe çfarë tjetër i është premtuar Vuçiçit apo cilat janë kërkesat e Beogradit e që janë pranuar nga Haradinaj, Veseli e Thaçi.
“Kur Haradinaj flet për demarkacionin e ‘Zajednicen’, gjithnjë të mbajë parasysh peticionin e mbi 200 mijë nënshkrimeve kundër këtyre dy projekteve të dëmshme!
Këto marrëveshje nuk kanë legjitimitetin popullor, pra peticioni në çdo rrethanë mbetet i vlefshëm!
Nëse Haradinaj për qëllime të ndryshme ka hequr nga mendja peticionin, një kopje e dërgojmë edhe te ai!”, ka shkruar Haxhiu në Facebook. /tesheshi.com/
