Lëvizja Vetëvendosje kërcënoi me veprime radikale, edhe pse nuk është deklaruar ende dicka më shumë se protestat, nëse Qeveria e Kosovës nënshkruan marrëveshje me Beogradin për krijimin e Asociacionit të Komunave Serbe.
Nënkryetari i Vetëvendosjes, Driton Çaushi, doli paar mediave për t’u bërë thirrje edhe qytetarëve që të bashkohen me veprimet e lëvizjes e për të ndaluar formimin e Asosacionit.
Protestat janë vetëm një nga format e “radikalizimit” të Vetëvendosjes që do të thotë rezistencë qytetare kundër veprimeve të mundshme të Qeverisë së Kosovës.
“Protestat do të jenë vetëm njëra nga format që ne do të shfrytëzojmë. Kemi bërë me dije ditët e fundit që ne nuk do ta reduktojmë aktivizimin tonë dhe kundërshtimin tonë vetëm në një metodë”, tha Çaushi.
Do të jemi radikalë në kundërshtimin e kësaj marrëveshjeje për Asociacionin e Komunave Serbe, për shkak se mendojmë që kemi ardhur në një moment të tillë, ku nëse një gjë e tillë realizohet dhe miratohet, atëherë është vështirë të imagjinohet një moment më i dëmshëm për shtetësinë e Kosovës, që nga shpallja e Pavarësisë së saj. Pra, po shkojmë drejt defunksionalizimit të shtetit të Kosovës, me shndërrimin në një shtet me ndarje etnike, jo funksional dhe pa perspektivë”, tha Driton Çaushi, nënkryetar i Lëvizjes Vetëvendosje. /tesheshi.com/
