Fituesit e zgjedhjeve në Kosovë, Lëvizja Vetëvendosje, i është kundërpërgjigjur akuzave të NISMA-s për presion mbi stafin e Qendrave të Numërimit, ku po rinumërohen 1 mijë e 500 kuti të votimit.
Anëtari i VV-së, Alban Krasniqi që njëherazi është edhe bashkëshorti i deputetes Albulena Haxhiu, ka akuzuar anëtarët e Nismës për ngacmime seksuale, shkruajë mediat në Kosovë.
Ai ka thënë se komisionerët nga Nisma po krijojnë pretekst për të zhvlerësuar votat. Përmes një kumtimi në Facebook, Krasniqi thotë:
“Natyrisht që merr guxim Lista Nisma që tani të tentojnë të ndryshojnë edhe rezultatin në kuti të votimit, sepse tashmë u pa që në lojë përveç Vuçiçit me Listën serbe është futur edhe Thaçi me PZAP dhe me kapot udhëheqëse të supremes. Tani kanë sjellë në QNR llumin e tyre gjoja si vëzhgues me qëllim krijimin e tensioneve e pse jo edhe dëmtimin e kutive.
Në vazhdimësi bëjnë presion mbi stafin, krijojnë insinuata, ngacmojnë seksualisht vëzhguese, kërkojnë pavlefshmëri votash.
KQZ duhet tu tregoj vendin këtyre matrapazëve sepse aty është QNR dhe jo Han i Fatmir Limajt,” ka përfunduar Krasniqi.
Megjithatë, VV-ja nuk iu ka drejtuar ende autoriteteve për pretendimet e tilla, që do t’i vinin edhe një hije të zezë sagës së stërzgjatur të numërimit të votave. /tesheshi.com/
