Deputetja e Lëvizjes Vetëvendosje, Albulena Haxhiu, në ditën e parë të fushatës zgjedhore thotë se subjektet politike që janë përgjegjëse për degradimin e vendit do të tronditen.
Sipas saj, VV ka programet më të mira për komunat e po ashtu ka kandidatët më të mirë që do t’i çojnë përpara këto programe.
“11 qershori shënoi një kthesë të madhe në Republikën e Kosovës. Falë mbështetjes së madhe qytetare, Lëvizja Vetëvendosje, doli subjekti i parë në vend.
Lëvizja Vetëvendosje, është i vetmi subjekt ndryshe dhe i vetmi subjekt që sjellë ndryshimin, e dëshmon edhe qeverisja e mirë në Prishtinë prandaj edhe kudo ku kam shkuar në komunat tjera, qytetarët kanë kërkuar qeverisje si në Prishtinë.
Vetëvendosje ka programet më të mira për komunat e po ashtu ka kandidatët më të mirë që do t’i çojnë përpara këto programe!
Ndaj, suksese gjithë kandidatëve tanë për kryetarë komuash dhe kandidatëve e sidomos vajzave e grave që garojnë për asambletë komunale. Me mendje e me zemër për Komunën”, ka shkruar Haxhiu. /tesheshi.com/
