Kryedemokrati Basha ka përgënjeshtron një deklaratë të bërë mbrëmjen e djeshme nga Belind Këlliçi, kryetar i Forumit Rinor të kësaj force politike.
Basha tha se mandati i tij ka mbaruar prej dy vitesh dhe zgjedhjet e reja janë njoftuar dje nga PD zyrtarisht.
Mirëpo, Belind Këlliçi njoftoi se zgjedhjet e reja bëheshin vetwm nga fakti se ai kishte informuar Lulzim Bashës se do t’i bashkohej “Foltores” së ish-kryeministrit Sali Berisha.
Por kreu i PD e quajti të pavërtetë deklaratën e Këlliçit, duke thënë se ai ka “interesa personale”.
“Jo nuk është aspak e vërtetë. Kjo është një sajesë e fabrikuar për interesa personale. Për herë të parë në drejtimin tim Forumi Rinor ka zhvilluar zgjedhje për 1 anëtar 1 votë.
Prej dy vitesh kryetarit i ka përfunduar afati dhe sërish do të zgjidhet 1 anëtar 1 votë. Interesat personale nuk pengojnë dot zgjedhjet 1 anëtar 1 votë. Është i njëti proces që është ndjekur në vitin 2014”, u shpreh Basha. /tesheshi.com/
