Kreu i Lirisë Ilir Meta lëshoi perlën e radhën kur përmendi një superpolitikan që sipas tij ia kishte propozuar Berishës për Lokalet e majit. Jo për kandidat të të parit të Tiranës, por për kreun e Këshillit Bashkiak, gjithnjë duke besuar se ata, të dy bashkë, do mund ta marrin Tiranën e betonuar të së majtës, jo në kuptimin ndërtimor të fjalës por në atë politik.
Ai, pas takimit me Berishën, nuk e tha se cili na qenka ky superpolitikan, por duke e njohur vetë Metën dhe delirin e tij të viteve të fundit, përzjerë me psiqikë të shfazuar, të linte të kuptohej se e kishte fjalën për veten e tij. Dhe ashtu është.
“I kam propozuar një emër zotit Berisha, për kryetar të Parlamentit të Tiranës, të cilin ai e priti me shumë kënaqësi.
Të jini të sigurt, Parlamenti i ardhshëm i Tiranës do të jetë institucioni më i rëndësishëm deri në Parlamentin e ri të Shqipërisë. Do e merrni vesh shumë shpejt. Është super politikan”, theksoi Meta.
Më vonë u zbuluar se superpolitikani qenka, sipas Metës, vetë Meta. /tesheshi.com/
