Pronarët e maceve që janë në izolim ose kanë simptoma të COVID-19 duhet të konsiderojnë mbajtjen e kafshëve shtëpiake në shtëpi për të ndaluar transmetimin e virusit, këshillojnë veterinerët.
Shoqata Britanike e Veterinarisë (BVA) tha që kafshët mund të veprojnë si objekte që mund të ndoten nga organizmat infektive dhe se virusi mund të qëndrojë në leshin e tyre, raporton CNN.
“Për pronarët e kafshëve shtëpiake që kanë COVID-19 ose vetë-izolohen, ne ju rekomandojmë që ta mbajnë macen e tyre brenda shtëpisë gjatë kësaj kohe,” tha BVA në një deklaratë.
Ata shtojnë se virusi mund të jetë në lesh ashtu siç do të ndodhte në sipërfaqe të tjera..
Sidoqoftë, veterinerët thanë që këshilla kryesore për pronarët e kafshëve shtëpiake është të praktikojnë higjenën e mirë të duarve.
Theksohet se nuk sugjeron që të gjitha macet të mbahen brenda, dhe se pronarët duhet ta bëjnë këtë vetëm nëse macja s’është e lumtur në shtëpi. Ata shtojnë se disa mace nuk mund të qëndrojnë brenda për arsye mjekësore të lidhura me stresin.
Ka pasur disa raste ku dhe kafshët kanë rezultuar të infektuara, përfshirë një tigër në një kopsht zoologjik në Bronx, por edhe në këto raste nuk ka asnjë provë që kafshët mund ta transmetojnë virusin te njerëzit. /tesheshi.com/
