Veteranët e UÇK-së më 7 shtator mund të dalin sërish në protesta për pensionet e tyre. Kjo pasi ata kanë mbetur të pakënaqur nga takimi i zhvilluar sot me kryeministrin në detyrë Isa Mustafa, i cili ka thënë se pensionet e tyre do të paguhen pas rishikimit të buxhetit.
Kryetari i Organizatës së Veteranëve të Luftës së UÇK-së, Hysni Gucati, tha se nëse qeveria nuk ua alokon pensionet, do të ballafaqohet me protesta nga ana e veteranëve.
“Muajin e ardhshëm është rishikimi i buxhetit. Por ne afatin e fundit e kemi dhënë, që të gjitha pensionet duhet të dalin deri më 7 shtator. Nëse nuk na dalin pensionet, atëherë ne protestojmë”, ka delaruar Gucati.
Ai ka bërë të ditur se një pjesë e pensioneve kanë dale, por jo për të gjithë veteranët./tesheshi.com/
