Si do ta masnit mirëqënien e qytetarëve të një vendi. Të shohësh vetëm pasurinë, thonë shkencëtarët, qartësisht nuk është e mjaftueshme: vendet e pasura me naftë në Lindjen e Mesme mund të kenë nivelet më të larta të prodhimit të brendshëm bruto për person, mirëpo ato kanë mungesa të tjera që ndikojnë në cilësinë e jetës, arsimim, të drejtat civile apo kritere të tjera. Grupi këshillimor BCG përpiqet t’u japë përgjigje këtyre pyetjeve përmes një raporti.
Këtë vit, raporti vlerëson 163 vende apo territore dhe ndalet në performancën e secilit prej tyre në tre përmasa: ekonomia, investimet dhe qëndrueshmëria. Ekonomia përbëhet nga të ardhurat, stabiliteti dhe punësimi, investimet përfshijnë shëndetësinë, arsimin dhe infrastrukturën, qëndrueshmëria mbledh pabarazinë, shoqërinë civile, qeverinë dhe mjedisin.
“Të dyshuarit” e zakonshëm zënë vendet e para, me Norvegjinë që arrim maksimumin e 100 pikëve. Ajo ndiqet nga shtete të tjera të Europës Veriore dhe vende të zhvilluara. Shtetet e pasura me naftë si Emiratet e Bashkuara Arabe apo Katari, dy nga vendet më të pasura në botë, renditen në vend të 25 dhe 26. Shtetet e Bashkuara duken relaitivisht të varfra në vendin e 19 por reflektojnë pabarazinë e madhe në të ardhura sikundër edhe pikët e dobëta në shëndetësi dhe arsim.
BCG po ashtu krahason përfshirjen financiare (përqindjen e individëve të moshës 15 e lart me një llogari bankare) kundrejt rezultatit të secilit vend, duke nxjerrë në pah një korelacion të qartë. Autorët e raportit gjetën se vendet me përfshirje më të madhe financiare të individëve kanë mirëqënie më të lartë sesa vendet e tjera pa këtë karakteristikë. Marrëdhënia midis përfshirjes financiare dhe mirëqënies është ngushtësisht e lidhur edhe me infrastrukturën e mirë, telefoninë dhe furnizimin me energji elektrike, shoqërinë civile dhe qeverinë, sundimin e ligjit.
Përgatiti: Juli Prifti – /tesheshi.com/
