Kryeministri Ramush Haradinaj ka shprehur keqardhje që në qeverinë e tij ka pak femra por shtoi se kjo nuk do ta pengojë që të punojë me seriozitet për të përparuar barazinë gjinore në Kosovë.
“Kam ardhur të shpreh zotimin tim dhe të qeverisë që udhëheq se do të jemi bashkë në avancimin e pozitës së femrës dhe barazisë gjinore. Shpreh keqardhje për numrin jo të duhur, jo të drejtë të kabinetit tim me femra, mirëpo kjo nuk më pengon që të vazhdoj ta trajtoj këtë temë me seriozitetin më të madh”, ka thënë Haradinaj.
Në qeverinë “Haradinaj” janë vetëm dy femra, Dhurata Hoxha, ministre e Integrimeve Evropiane dhe Albena Reshitaj ministre e Mjedisit dhe Planifikimit Hapësinorë. /tesheshi.com/
