Ish-Myftiu i Tiranës Ylli Gurra komentoi vetëflijimin e nënë e bijë në Kombinat, një ngjarjë që së fundi ka tronditur opinionin, pasi bëhet fjalë për një thriller fetar.
Eshtë aluduar se Zhaneta Josifi, nënë e dy vajzave, Anisa e Blerta, ndërroi jetë me të parën, duke shkuar me vullnet drejt vdekjes me anë të mosngrënies. Ndërkohë, e bija, Anisa, kishte javë e vdekur në shtëpi, pasi nga e ëma dhe e motra pritej ringjallja e saj. Kjo është konfirmuar nga vajza e mbetur gjallë, Blerta, në të parën deklarata para hetuesve, në kushte spitalore.
Dëshmitarë të Jehovait në Tiranë, ku aludohet se femëria Josifi bënte pjesë, mohuan që ato të ishin pjesë e grigjës së tyre dhe se ata e donin jetën.
Për ish-Myftiun Gurra, ky është një indoktrinim alarmant.
“Nuk ka në asnjë besim tradicional t’i dërgosh për së gjalli në këtë mënyrë makabre në parajsë. Fetë qiellore (Islami, Krishtërimi, Judaizmi) kanë ndërtimin e parajsës këtu në botë, e pastaj duke shpresuar tek Zoti. Nuk ka asgjë të përbashkët me asnjë nga fetë qiellore.
Kjo në gjykimin tim është e disata herë që nga komunitete të ndryshme fetare, shoqëria shqiptare tronditet. Është e disata herë që vajza të tilla vetëflijohen për shkak të besimeve të tilla. Këto janë thjesht grupime okulte, sektariste të keqpërdorura, qoftë brenda Shqipërisë dhe jashtë saj”, tha Gurra për Ora Neës.
Në gjykimin e tij, janë besimet tradicionale ato që duhet të sqarojnë njerëzit mbi ca të vërteta, të cilat sipas tij janë devijuar na grupime sektare.
“Besimet, religjionet tradicionale duhet të fuqizohen dhe të jenë më afër besimtarëve të tyre duke i sqaruar për vërtetësinë e doktrinave. Këtë këmbanë alarmi duhet ta marrin parasysh të gjitha ato institucione të cilat ofrojnë shërbime publike, institucione fetare. Të qartësohen përmes vullnetit të lirë“, tha kleriku Gurra. /tesheshi.com/
