Një makinë e djegur në zonën e Kërrabës mbrëmjen e së premtes, mendohet të jetë një akt vetëvrasës nga ana e të zotit të automjetit.
Armand Mici, 32 vjeç, tregtar makinash nga Elbasani, ishte brenda saj, një tip Passat, i shtrirë në sediljen e pasme. Trupi i tij u gjet plotësisht i shkrumbuar.
Ishin kalimtarët e rastit që njoftuan autoritetet për një makinë që digjej pa ditur se brenda ndodhej një person.
Kur në vendngjarje rreth orës 22:30 mbërriti policia dhe zjarrfikësit, aty panë se në pjesën e pasme të mjetit ishte i shtrirë një person, i shkrumbuar teresisht.
Pista kryesore që dyshoi policia ishte vetëvrasja, kjo për shkak se dera e shoferit dhe dera e pasagjerit ishin të hapura.
Në kamerat e sigurisë në terren u vërtetua se Armand Mici vetëm pak minuta para ngjarjes kishte blerë ne një karburant 13 litra benzinë, një sasi që mendohet të jetë përdorur prej tij për djegien e makinës, duke qenë dhe vetë brenda.
Nga familjarët që u morën në pyetje, rezultoi se 32-vjeçari kishte shfaqur shenja depresioni prej ditësh. /tesheshi.com/
