Anëtarët e forcave të armatosura do të vazhdojnë të përmbushin misionin e tyre më të rëndësishëm – të mbrojnë lirinë dhe sovranitetin e shtetit nga agresori rus, tha Presidenti i Ukrainës.
Presidenti ukrainas Volodymyr Zelensky tha të hënën, me rastin e Ditës së Forcave të Armatosura, se ushtria ukrainase mund të zmbrapsë çdo sulm rus.
“Anëtarët e forcave të armatosura të Ukrainës do të vazhdojnë të përmbushin misionin e tyre më të rëndësishëm – të mbrojnë lirinë dhe sovranitetin e shtetit nga agresori rus,” tha ai kreu i shtetit ukrainas, ardhur nga bota e spektaklit.
“Ushtria ukrainase beson në forcën e saj dhe mund të parandalojë çdo plan pushtimi nga armiku”, shtoi ai.
Krijimi i një ushtrie të pavarur
Rusia ka grumbulluar forca të mëdha ushtarake pranë kufirit me Ukrainën, por hedh poshtë akuzat se po përgatit një ofensivë.
Ukraina po shënon 30-vjetorin e themelimit të një ushtrie të pavarur që nga shpallja e pavarësisë nga ish-Bashkimi Sovjetik në vitin 1991.
Me këtë rast, Kievi, Lviv dhe Odessa do të prezantojnë para publikut automjetet ushtarake amerikane Humvee.
Një dorëzim ceremonial i anijeve patrulluese të Rojës Bregdetare të SHBA-ve të dorëzuara së fundmi do të mbahet në Odessa, gjë që do të forcojë kapacitetet e marinës ukrainase.
Vizitë në Kharkov dhe Donbass
Ukraina po i kërkon NATO-s të përshpejtojë anëtarësimin e saj, por udhëheqësit e Aleancës po bëjnë thirrje për reforma dhe anti-korrupsion së pari.
Moska paralajmëron Perëndimin që të mos kalojë “vijat e kuqe” të tij dhe të ndalojë zgjerimin e NATO-s në lindje. /tesheshi.com/
