Sportist, fotograf, një romantik i vërtetë. Mirësevini në botën e princit Hamdan bin Mohammed Al Maktoum, djalit të dytë të Sheikh Mohammed bin Rashid Al Maktoum. Princi i kurorës së Dubait gëzon reputacion të Aladdinit të kohës moderne dhe është i njohur dhe i admiruar në mbarë botën. Instagrami i tij ka afër 4 milion ndjekës dhe njerëzit e admirojnë jo për vetëm për shkak të pamjes dhe mënyrës së jetesës së tij, por edhe për shkak të gjërave të lavdërueshme të cilat i bën!
I apasionuar pas kafshëve
Kuajt janë pasioni kryesor i Hamdan bin Mohammed Al Maktoum. Ai jo vetëm që ka në posedim një ahur privat, por edhe përfaqëson vendin e tij në gara ndërkombëtare me kuaj. Arritjet e tij përfshijnë medaljen e artë në lojërat botërore të kuajve në vitin 2014. Ai po ashtu mbështet disa shoqata bamirësie për mirëqenien e kafshëve.
Kujdesi ndaj tjerëve
Bamirësia dhe filantropia gjithëpërfshirëse janë gjithmonë në krye të listës së prioriteteve në jetën e princit.
Përherë përkrah njerëzit me nevoja të veçanta
Që kur mori titullin Princi i Kurorës, Hamdan bin Mohammed Al Maktoum vazhdon të jetë mbrojtës nderi i Qendrës së Autizmit në Dubai. Përveç kësaj, ai merr pjesë në mënyrë aktive në fondet sociale për fëmijë dhe në blerjen e pajisjeve mjekësore për spitale.
Gjithmonë i hapur ndaj botës përreth
Duket se Princi me të vërtetë ka vend në zemrën e tij për çdo person në planet. Ngjarje të ndryshme sportive mbahen vazhdimisht nën patronazhin e tij; ai ka vesh të vëmendshëm dhe një buzëqeshje të këndshme për çdo spektator dhe pjesëmarrës të garave.
Mëson nga shembujt që duhet admiruar
Princi me kënaqësi kalon kohën me njerëzit të cilët i ndihmon. Ai gjithashtu përpiqet ta shohë botën nga perspektiva e tyre. Kjo përfshin pjesëmarrjen e tij nëpër ndeshje basketbolli me personat në karrigen lëvizëse. “Kur personave me nevoja të veçanta ju jepet mundësia, ata shkëlqejnë mbi gjithë të tjerët, andaj arritjet e tyre të përditshme janë frymëzim për mua, pasi ata kanë na tregojnë se çfarë mund të arrijnë njerëzit me vullnet dhe këmbëngulje absolute”, ka thënë ai pas një loje me ekipin e personave me nevoja të posaçme të Emirateve të Bashkuara.
Promovon në vazhdimësi një jetë sportive
Princi poashtu kryeson komisionin për Dubai sports. Një nga përgjegjësitë e tij kryesore është që të promovojë një mënyrë jetese sportive në mesin e qytetarëve më të rinjtë e vendit të tij.
Aktiv, i thjeshtë dhe entuziast
Në jetën e tij të përditshme, princi Hamdan është mjaft djalë i zakonshëm. Për shembull, ai vesh rroba sportive dhe kapelë bejsbolli. Ai gjithashtu njihet për pjesëmarrjet e tij në ngjarje urbane, si festivale të jogas, maratonin vjetor në Dubai, etj.
Një model pozitiv
Princi asnjëherë nuk lëshon shansin për të treguar aftësitë e tij sportive. Si e bën të ndjehet pas një pushimi nga jeta mbretërore për të marrë pjesë në një konkurs rraskapitës dhe të pazakontë, të quajtur ‘Gara e spartanëve e Dubait’? Top fare.
Mbështetja e talenteve të reja
Hamdan Al Maktoum është një fotograf i devotshëm. Ai ka krijuar edhe një konkurs të ri ndërkombëtar të quajtur Award International Photography Hamdan. Fondi për këtë çmim kap shumën 400,000 dollarë, që është çmimi më i lartë për garat e këtij lloji. Princi me një talent për artin, krahason fotografinë me një rreze shprese që ndriçon rrugën për një të nesërme më të mirë për gjithë njerëzimin.
Imazh ideal i një princi arab
Trashëgimtari i fronit të Dubait jo vetëm që fiton çmime prestigjioze, por edhe tërheq investitorë ndërkombëtarë, organizon ngjarje bamirësie dhe praktikon sporte ekstreme. Ai gjithashtu është modest, inteligjent dhe ka sjellje të mira. Imazh ideal i një princi arab!
