Këtë vit pritet të vendosen rekorde të reja në vend përsa i përket turistëve, shkruan TCH, duke tentuar të ofrojë një tipologji të turistëve, atyre më të zakonshmit që vijnë në Shqipëri.
Fjala vjen, kush dehet më shumë apo kush e ka xhepin e ngushtë.
Sipas rrëfimit të një sipërmarrësi në turizëm, Ilir Dushkaj, panorama është kjo:
“Alkool pinë europianët e veriut, norvegjezët, suedezët, anglezët, moshat e reja pinë më shumë. Ata që karikohen pastaj nuk dinë të ndalohen. Koprracë janë italianët dhe spanjollët. Gojëmbëlit janë italianët, janë ‘uaa, sa bukur nuk e prisja Shqipërinë të tillë’. Detajistë në përgjithësi janë të gjithë, pastaj ata që shprehjen nëpër platforma të komunikimit janë çekët, polakët. Janë të etur për të shkruar, nëse i vonohet gota pak më shumë ankohen. Nëse çmimi është më i lartë sa vendi i tyre, ankohen.
Ata që vijnë nga vendet më larg, amerikanët kanadezë lënë bashkishe janë dorëlëshuar, ndërsa evropianët nuk e kanë kulturën e bakshishit. Edhe kamerierët e ndjejnë që të huajt janë të ëmbël të dashur por në fund nuk lënë bashkish.
Italianët kur gjejnë një produkt të mirë, lëshohen, nuk ndalohen. Pjesa tjetër nuk e kanë kulturën e të ushqyerit. Anglezët kërkojnë byftekun, e duan dhe me makarona sipër, mbase edhe ketchup sipër“.
