Kreu i Kuvendit të Kosovës Kadri Veseli deklaroie Forcat e Sigurisë së Kosovës do të transformohen në ushtri në gjysmën e dytë të muajit të ardhshëm.
I pyetur se kur do të mbahet seanca e parlamentit ku do të votohet ligjin për transformimin e Forcës së Sigurisë së Kosovës në ushtri të Kosovës, ai tha se çështja në rendin e ditës të Kryesisë së Kuvendit do të jetë sa më shpejt, që të hënën.
“Këtë vit ne do të kemi një ushtri të Kosovës. Në mes të dhjetorit do të votojmë për formimin e forcave të armatosura të Kosovës. Të hënën do të kemi një takim të Kryesisë së Kuvendit dhe pastaj do të caktojmë një datë. Në këtë mënyrë ne do të ndjekim të gjitha procedurat. Komisionet parlamentare janë në fund të punës për këtë çështje. Vendimi për ushtrinë është si një borxh për viktimat e popullit tonë, një dëshira për liri dhe paqe në të ardhmen”, tha Veseli.
Ai shtoi se ky vendim do të bëhet në bashkëpunim me partnerët ndërkombëtarë dhe kryeministrin e Kosovës, Ramush Haradinaj.
Ai gjithashtu pohon se Forcat e Sigurisë së Kosovës do të transformohen në forcat e armatosura të Kosovës “për qëllime paqësore”.
“Njerëzit tanë nuk kanë qenë agresiv ndaj askujt, as nuk do të jenë. Kosova është shtet i pavarur dhe sovran dhe gjithmonë do të jetë i tillë”, ka deklaruar kryeparlamentari kosovar.
Më parë, James Foggo, Komandanti i Forcave të Përbashkëta të NATO-s në Napoli, tha se politikanët në Prishtinë të mos nguten me procesin e transformimit në ushtri të Forcës së Sigurisë.
Sipas tij, është e nevojshme që të gjitha palët të jenë të kënaqur me një vendim të tillë.
“Do të ishte e mençur të mos nxitohet, për të siguruar se transformimi i Forcës së Sigurisë së Kosovës të kënaqë të gjitha palët”, përfundoi Foggo. /tesheshi.com/
