Kryetari i ri i PDK-së, Kadri Veseli, ka paralajmëruar shpalljen e platformës së tij politike në krye të partisë që drejtohej nga Hashim Thaçi.
Veseli do të mbajë në orën 17:00 një takim ku do të flasë edhe për të ardhmen e koalicionit me Isa Mustafa.
Kreu i Kuvendit nuk i ka shumë mirë punët e tij dhe problemi më i parë apo telashi numër një është përbërja e qeverisë, pasi LDK kërkon të marrë çmimin e madh për votën që i dha Hashim Thaçit për President.
Platforma do të shpaloset në sitën e dytë të e Konventës Zgjedhorë të PDK-së.
“Të dielën kemi pjesën e dytë të Konventës. Në orën 17.00, në Pallatin e Rinisë do të jetë adresimi i Kryetarit të PDK-së bashkë me ju të gjithë, me simpantizantë dhe anëtarë të tjerë, përballë qytetarëve të Republikës së Kosovës”, theksoi Hajredin Kuçi, Nënkryetar i PDK-së.
Ndërkohë, në një njoftim në FB, Veseli ka thënë se mezi po pret vazhdimin e pjesë së dytë të Konventës, në Pallatin e Rinisë.
Në detyrën e re, Veselin e kanë uruar Hashim Thaçi, LDK-ja me Isa Mustafën dhe Ilir Meta. Ndërkohë, ende asnjë urim s’i ka ardhur nga partitë opozitare, AAK, NISMA e Vetëvendosje.
/tesheshi.com/
