“Kosova ka të ardhme euro-atlantike dhe ky rrugëtim është i pandalshëm”. Kështu ka deklaruar kryetari i kuvendit të Kosovës, Kadri Veseli, gjatë një takimi me një grup prej 150 studentësh të Universitetit “Fehmi Agani” të Gjakovës.
Kryeparlamentari bëri një përshkrim të funksioneve kushtetuese, rolit, punës dhe përbërjes së tij, ndërsa u ndal në zhvillimet aktuale dhe perspektivën për të ardhmen.
Ai tha se Kosova ka kaluar shumë peripeci, për të arritur në dispozitat kur të zgjedhërit e popullit, të ulen në karriget e sallës së legjislativit.
Mësohet se Veseli porositi studentët që, krahas përgjegjësive të tyre akademike, të mos jenë indiferentë ndaj zhvillimeve dhe proçeseve të rëndësishme nëpër të cilat kalon vendi. Ai kërkoi nga ata që ta ruajnë shtetin dhe institucionet e Kosovës.
Ai tha se përmirësimi i kushteve të jetesës për qytetarët dhe krijimi i perspektivës është preokupim i vazhdueshëm institucioneve.
Të rinjtë vizituan ambjentet e kuvendit, në kuadër të angazhimit për rritjen e transparencës në punën e përfaqësuesve të tyre të zgjedhur./tesheshi.com
