Para objekteve të komunës së Zveçanit, Zubin Potokut dhe Leposaviqit ndodhen forca të forta të Kosovës dhe policia speciale me helmeta dhe me mjete të plota luftarake.
Elementë kriminalë serbë filluan të mblidhen para objekteve komunale në ato tri qytete në veri të Kosovës, sërish pas tre ditësh. Në mes të policisë dhe tyre janë pjesëtarë të KFOR-it me mjete të plota luftarake, me mburoja, helmeta, maska, parzmore.
Raportohet se serbët që protestonin në Zveçan erdhën në hyrje të ndërtesës së komunës dhe se policia përdori gaz lotsjellës për t’i shpërndarë.
Tense morning in the Serb-majority north of Kosovo as @NATO_KFOR increases presence in front of the municipality buildings following Friday clashes between @Kosovo_Police & Belgrade-aligned Kosovo Serbs.
Last night, @AVucic announced further protests against duly elected mayors. pic.twitter.com/zLoyajaZo7
— Jakub Bielamowicz (@KubaBielamowicz) May 29, 2023
Të shtënat e mundshme
Komandanti i KFOR-it, Angelo Michele Ristuccia, ka kërkuar nga kryetari i Listës Serbe (SL) Goran Rakiq që t’i largojë protestuesit që ndodhen para ndërtesës së komunës së Zveçanit, transmeton agjencia Beta.
Por Rakiq ka kërkuar që policia e Kosovës e vendosur në hyrje të komunës së Zveçanit të largohet nga aty, si dhe të japë dorëheqjen kryetari i sapozgjedhur.
Ristuccia ka bërë të ditur se ushtarët e tyre do të qëndrojnë para ndërtesës dhe ka paralajmëruar se nëse protestuesit nuk largohen, “do të ketë të shtëna”.
Qëndrimi i Policisë së Kosovës
Policia e Kosovës ka njoftuar mëngjesin e sotëm se “po menaxhon situatën e krijuar nga protestat serbe në veri”, duke theksuar se “demonstruesit kanë shfaqur dhunë”.
Policia njoftoi se protesta po zhvillohen në Leposaviq, Zubin Potok dhe Zveçan, ndërsa para komunës së Zveçanit “është tentuar të kalohet kordoni i sigurisë për të hyrë me forcë në objekt”.“Angazhimi i policisë në forcimin e rendit dhe sigurisë publike, garantimin e sigurisë së qytetarëve, lirinë e lëvizjes, si dhe marrja e masave policore në përputhje me situatën dhe ngjarjet në veri të vendit, do të vazhdojë të mbetet ndër synimet parësore. dhe detyrat e Policisë së Kosovës”, thuhet në njoftim.
Policia u bëri thirrje qytetarëve që të jenë më të kujdesshëm kur bëjnë thirrje për protesta, të protestojnë në mënyrë paqësore “dhe të mos bien në provokime të mundshme, çfarëdo qofshin ato”.
“Protestuesit u mblodhën në mënyrë të organizuar para ndërtesave në komunat veriore si Leposaviq, Zubin Potok dhe Zveçan për të protestuar. Para ndërtesës së komunës së Zveçanit, elementë kriminalë duke ushtruar dhunë dhe duke hedhur gaz lotsjellës, tentuan të kalojnë kordonët e sigurisë për të hyrë me forcë në ndërtesën e komunës, kështu që policia u detyrua të përdorë mjete ligjore, si sprej (speci) për të ndaluar demonstruesit dhe vënë situatën nën kontroll”, thuhet në njoftim. /teshesh.com/
