Serbët ngritën barrikada të dielën në mbrëmje në shenjë proteste kundër vendimit të Qeverisë së Kosovës për kartat e identitetit dhe riregjistrimin e automjeteve.
Pas shtyrjes së zbatimit të vendimit për dokumente dhe ri-regjistrimit të automjeteve, serbët në veri të Kosovës hoqën të gjitha barrikadat në rrugë dhe u hapën për qarkullim vendkalimet Jarinje dhe Bërnjak.
Zëdhënësi i Policisë së Kosovës për rajonin verior, Branislav Radovicc, ka konfirmuar se të gjitha rrugët janë të kalueshme dhe se situata në terren është e qetë.
KFOR-i njoftoi se po monitoron me kujdes situatën në veri të Kosovës në bashkëpunim me organizatat vendore dhe ndërkombëtare të sigurisë.
“Në përputhje me mandatin e tij të OKB-së, KFOR-i mbetet fuqishëm i përkushtuar ndaj sigurisë, i gatshëm të miratojë masat e nevojshme për të ruajtur sigurinë në Kosovë”, njoftoi KFOR-i në Tëitter.
Kosova e shtyu vendimin për targa dhe dokumente
Serbët ngritën barrikada të dielën në mbrëmje në shenjë proteste kundër vendimit të qeverisë së Kosovës për kartat e identitetit dhe riregjistrimin e automjeteve.
Pasi serbët kanë bllokuar rrugët për në pikat kufitare me Serbinë në veri të Kosovës, Jarinje dhe Bërnjak, policia e Kosovës ka njoftuar se në disa vende janë dëgjuar të shtëna, e disa janë drejtuar në njësitet policore, por nuk ka të lënduar.
Pas tensionit në veri të Kosovës dhe bllokadave serbe të rrugëve drejt kufirit me Serbinë, qeveria e Kosovës shtyu për 30 ditë zbatimin e vendimeve për targat dhe dokumentet serbe. /tesheshi.com/
