Saimir Tahiri, ish-ministër i Rendit në qeverinë “Rama 1”, u dënua me 5 vite nën akuzën për “shpërdorim detyre”, por që me gjasë nuk do kryejë asnjë ditë në qeli.
Në verdiktin përfundimtar të trupit gjykues të Krimeve të Rënda, për Tahirin ka rënë akuza e të qenit “pjesëmarrës në grup kriminal” të përfshirë në trafik droge.
Në reagimin e parë, Tahiri, nën emocione të forta dhe i qeshur, e quajti vendimin një estradë.
“Më rezervoni të drejtën ta përtyp një herë këtë estradë që ndodhi. Mesa kuptova, gjykata më tha që nuk jam kriminel, nuk jam trafikant, nuk jam pjesë e një grupi kriminal, por me gjithë ca kushërinj të mi kanë përdorur emrin tim unë kam shpërdoruar detyrën. As qesh dot e as qaj dot por nesër po ju ftoj të ndajmë bashkë ca mendime. Mu duk një gjë e tipit ‘je i pafajshëm por s’kemi këllqe të ta themi'”, tha Tahiri, duke vijuar të jetë ironik me gjykatën.
“Unë dy vjet jam hetuar si trafikanti më i madh i Shqipërisë, ça t’ju them, jam hetuar si pjesë e një grupi kriminal që kam bërë trafik droge, sot gjykata më thotë nuk ke bërë trafik droge, nuk ke ndihmuar në trafik droge, por meqë kushërinjtë paskam përdorur emrin tim unë kam shpërdoruar detyrën”, theksoi ish-ministri i Rendit. /tesheshi.com/
