Kreu i degës tirrenase të Alternativës për Gjermaninë – AfD, Bjoern Hoecke mund të quhet fashist, vendosi gjykata e Meiningenit.
Vendimi i referohet një mitingu të AfD-së javën e kaluar në Eisenach të Gjermanisë Lindore, si dhe anti-protestave në të njëjtin qytet, të cilat u shpallën si “kundër AfD-së raciste dhe veçanërisht kundër fashistit Hoecke”.
Drejtuesit i qytetit Eisenach lejuan anti-protesta kundër tubimit të AfD-së, me kusht që ndaj emrave të kësaj të fundit mos përdorej termi “fashist”, duke u konsideruar një ofendim.
Organizatorët e protestës ngritën padi kundër këtij vendimi përpara gjykatës administrative të provincës federale, e cila në fund dha një verdikt.
Në padi, organizatorët deklaruan se termi “fashist” ishte i justifikuar, duke sjellë si provë një seri citimesh nga fjalimet e Hoecke, të cilat, sipas tyre klasifikohen qartë nga sociologët dhe historianët si gjuhë e ideologjisë fashiste.
Më pas, siç raportoi agjensia gjermane e lajmeve DPA, gjykata deklaroi se termi “fashizëm” nuk vinte nga një deklaratë e thjeshtë, por se ishte “i vërtetuar” nga një seri deklaratash e qëndrimesh.
AfD kritikoi ashpër vendimin e gjykatës dhe tha se ishte vazhdim i trendit që ato nuk po i mbrojnë politikanët nga sulmet publike.
“Ky vendim është një turp për sundimin e ligjit”, tha Stefan Moeller, një udhëheqës lokal i AfD-së.
Hoecke është drejtuesi i “skifterëve” brenda AfD-së, duke përfaqësuar një rrymë më radikale brenda kësaj partie populiste të krahut të djathtë.
Deri më tani, ai iu është afruar vazhdimisht botëkuptimeve naziste me paraqitje publike, gjë që e ka distancuar atë nga udhëheqja e partisë në nivelin federal. /tesheshi.com/
