Arsen Venger e ka refuzuar ofertën për të zëvendësuar Aleks Ferguson, kur ky i fundit, mendonte largimin nga Mançester Junajted.
Lajmi ka bërë bujë në Britaninë e Madhe, pasi diçka e tillë as nuk mendohej, nisur nga rivaliteti i skuadrave, por edhe marrwdhënia Ferguson-Venger.
Për të hedhur dritë mbi negociatat e fshehta që janë zhvilluar për pasuesin e Sër Aleks, ka menduar ish-zëdhënësi i klubit të Mançester Junajted, Martin Eduard, në një libër që ka publikuar këto ditë.
Sipas tij, Venger e ka snobuar interesimin e drejtuesve të Junajted, pasi besonte tek ato që i quante, “vlerat e Arsenalit”. Ngjarja për të cilën flitet, daton në vitin 2002, kur Fergusonit “i shkrepi” t´a mbyllte kontributin tek Mançester Junajted.
E kur drejtuesit e klubit ia bënë të ditur refuzimin e Venger, Sër Aleks “ktheu mendje” dhe qëndroi tek Djajtë e Kuq edhe për 11 vite të tjera. /tesheshi.com/
