Kombëtarja e Argjentinës është shokuar në stadiumin Estadio Antonio Vespucio në Buenos Aires para tifozëve të vet.
Albicelestët nuk arritën asgjë më shumë se sa një barazim 1-1 ndaj Venezuelas e cila mban vendin e fundit në grupin kualifikues.
Argjentina në këtë takim u fut me një formacion tejet ofensiv, ku treshen sulmuese e përbënin të mrekullueshmit, Lionel Messi, Mauro Icardi dhe Paulo Dybala.
Por, edhe kjo treshe kaq e rrezikshme nuk arriti të thyejë Venezuelën, e cila bëri një lojë tejet dinjitoze, por agresive.
Megjithëse, pjesën e parë të takimit argjentinasit e dominuan tërësisht, ata nuk mundën të shënojnë gol.
Me të nisur pjesa e dytë, Jhon Murillo befasoi vendasit duke shënuar për 1-0 (51’).
Vetëm tri minuta më vonë ishte Feltscher ai që realizoi në portën e gabuar duke barayuar në 1-1.
Deri në fund të takimit tekniku argjentinas Sampaoli bëri disa zëvëndësime të çuditshme duke inkuadruar edhe Pastoren, por të gjitha pa rezultat.
Argjentina vë seriozisht në dyshim kualifikimin në Botërorin, Rusia 2018, pasi ka 24 pikë në vendni e pestë, po aq sa Peruja e vendin të katërt, me një pikë më shumë se Kili në vendin e gjashtë dhe tri pikë më shumë se Paraguai në vendin e shtatë.
Vetëm katër skuadra kualifikohen nga grupi i Amerikës Latine, kurse vendi i pestë luan në playoff. /tesheshi.com/
